ҚР Төтенше жағдайлар министрлігінің мәліметінше, 112 қызметіне Башута шыңында қиын жағдайға тап болған екі адам туралы хабарлама түскен. 1987 және 1997 жылы туған азаматтар таудан төмен өз бетімен түсе алмаған.
Құтқарушылар жедел түрде оқиға орнына жетіп, туристерді қауіпсіз жерге дейін жеткізген. Олар тау шаңғысы курортына дейін аман-есен түсірілді. Зардап шеккендер жоқ.
Төтенше жағдайлар министрлігі тауға шығуды жоспарлаған азаматтарға баратын жерді алдын ала мұқият есептеп, өздерінің тәжірибесі мен физикалық мүмкіндіктерін ескеруді ескертті. Сонымен қатар ауа райы жағдайын қадағалап, қауіпсіздік талаптарын сақтауға шақырды.
