Ұлттық қауіпсіздік комитетінің мәліметінше, 2025 жылғы 6 желтоқсанда Алматы облысындағы «Нарынқол» шекара заставасының аумағында орналасқан қызметтік үйден өрт шыққан. Оқиға орнына Төтенше жағдайлар департаментінің қызметкерлері дереу жетіп, өртті сөндірген.
Алайда төтенше жағдай салдарынан әскери қызметкер мен оның кәмелетке толмаған баласы көз жұмды.
«Бұл дерек бойынша сотқа дейінгі тергеп-тексеру басталды. Шекара қызметі қаза болғандардың туыстары мен жақындарына қайғыра көңіл айтады. Оларға барлық қажетті көмек көрсетіліп жатыр», — делінген ҰҚК баспасөз қызметінің ресми хабарламасында.
Оқиғаның барлық мән-жайы анықталып жатыр.
