Алматы облыстық полиция департаменті таратқан мәліметке сәйкес, апат жолдың 129-шақырымында болған. Аталған дерек бойынша қылмыстық іс қозғалды.
Алдын ала тергеу нәтижесінде Honda Odissei көлігінің жүргізушісі алда келе жатқан HOWO жүк көлігінің тіркемесіне соқтығысқаны анықталды. Қатты соққының салдарынан жеңіл көлікте болған жеті адамның бәрі, оның ішінде жүргізуші де, алған жарақаттарынан оқиға орнында көз жұмды.
Қазіргі уақытта қазаға әкелген жол апатының себептері мен толық мән-жайын анықтау бойынша сотқа дейінгі тергеу амалдары жүргізіліп жатыр.
