Үстел теннисі, бадминтон, нарды, арқан тарту және волейбол ойындары бойынша ширек финалдан басталған турнирлер өз мәресіне жетті.
Финалға дейінгі қиын жолды өте келе, спорттық жетістіктері үшін ұпайлары бар қоржынды мықтылар толықтырды.
«Спорттық іс-шараларда түпкілікті нәтижеге қол жеткізу үшін жасақтар «бессайысты» ойынын күтуде, оның қорытындысы бойынша «Бірлік әлемі – 2022» спартакиада чемпионы анықталады», – деп атап өтті ҚАЖД бастығы Вилорий Ким.
Айта кету керек, бұл мекемеде жазғы спартакиаданы өткізу жылдан жылға дәстүрге айналған. Іс-шараның негізгі мақсаты сотталған әйелдер арасында командалық рухты нығайту, салауатты өмір салтын ұстану.
