Ведомство мәліметінше, жер сілкінісі 23 қараша күні Астана уақытымен 18:12-де тіркелген. Дүмпу ошағы Жалаңаш ауылынан оңтүстік-шығысқа қарай 11 шақырым жерде орналасқан.
Эпицентрдің координаттары – 42,95° солтүстік ендік және 78,72° шығыс бойлық. Жер сілкінісінің магнитудасы 3,7, энергетикалық класы 8,6 болған.
Шекаралас өңірлерде де сейсмикалық белсенділік байқалған. Бұған дейін, 19 қарашада, қазақстандық сейсмологтар Қырғызстан аумағында магнитудасы 4,3 жер сілкінісін тіркеген. Ол Өзгөрүш ауылынан 11 шақырым, Талду-Су ауылынан 15 шақырым, Нарын қаласынан 40 шақырым қашықтықта болған. Бірқатар елді мекендерде дүмпу күші 3–3,5 балл деңгейінде сезілген.
Соңғы уақытта жер асты дүмпулері Қазақстанның оңтүстігінде, сондай-ақ Қырғызстан мен Тәжікстан–Өзбекстан шекарасында да тіркелген.
Сейсмологтар өңір тұрғындарына ресми ақпарат көздерін бақылап, қауіпсіздік шараларын ескеруді ұсынады.
