Офис мамандары өңірлік жобалық командалардың жұмысын үйлестіреді, консультациялық-әдістемелік көмек көрсетеді және мемлекеттік бастамалардың сапалы орындалуына ұйымдастырушылық қолдау жасайды.
Жобалық офис ақпараттық-талдамалық жұмыстар жүргізіп, ұлттық бағдарламаларға қатысушы барлық мүдделі тараптармен тұрақты байланыс орнатады. Сондай-ақ бастамалардың орындалу барысы «Битрикс» ақпараттық жүйесі арқылы жедел мониторингтеледі.
Қазіргі таңда «Битрикс» платформасында 398 жоба бақылауға алынған. Оның ішінде 128 жоба сәтті аяқталған. Мұндай жүйелі тәсіл жобалардың орындалу динамикасын уақытылы қадағалап, тәуекелдерді алдын ала анықтауға және жалпы өңірдегі жобалық басқарудың тиімділігін арттыруға мүмкіндік береді.
Астана қаласында Халықаралық жобалық басқару күніне орай өткен «PROJECT MATURITY FORUM»форумында Алматы облысының жобалық офисі жоғары көрсеткішке қол жеткізді. Бағалау нәтижесінде жергілікті атқарушы органдардың 20 жобалық офисі арасында Алматы облысы екінші орынға ие болды.
Бұл жетістік өңірдегі жобалық басқару мәдениетінің жоғары деңгейде дамығанын, мемлекеттік бастамаларды жүзеге асыруда заманауи әдістердің тиімді қолданылып жатқанын айғақтайды.
