Нысанның басты ерекшелігі – күн панельдерімен жабдықталуы. Бұл оны өңірдегі Huawei компаниясының энергияны үнемдейтін алғашқы базалық станциясына айналдырды.
Компания өкілдерінің айтуынша, жобаның мақсаты – облыстың маңызды көлік дәліздерінің бірінде мобильді байланыстың сапасын жақсарту және жоғары жылдамдықты интернетке тұрақты қолжетімділікті қамтамасыз ету. Жаңа станция іске қосылғаннан кейін Beeline абоненттері жолдың бүкіл бойында жоғары жылдамдықты мобильді интернетті пайдалана алады.
Бұл жаңалық жол қозғалысының қауіпсіздігін арттыруға, жолаушылардың қолайлылығын жақсартуға, сондай-ақ транзиттік және логистикалық ағымдарды дамытуға ықпал етеді.
Компаниялар автомобиль жолдарын сапалы байланыспен қамтамасыз ету жұмыстарын жалғастыратынын мәлімдеді. Алдағы уақытта өңірдің телекоммуникациялық инфрақұрылымын кеңейту және жаңғырту арқылы халық пен бизнеске арналған цифрлық қызметтердің қолжетімділігін арттыру жоспарлануда.
