22 қыркүйек күні сағат 12:00-де Қонаев қаласында халықты шұғыл хабардар ету жүйесінің техникалық сынағы өтеді. Бұл уақытта тұрғындардың мобильді құрылғыларына мәтіндік хабарлама түсіп, ол арнайы дыбыстық сигналмен бірге беріледі.
Бұл туралы Алматы облысының Төтенше жағдайлар департаменті хабарлады.
Айта кетейік, бүгін Алматы қаласының тұрғындары мен қонақтарына да дәл осындай ескерту хабарламасы жолданды. Оған шаһардан 9 шақырым жерде болған жеңіл жер сілкінісі себеп болды. ТЖМ дерегінше, жүйе дер кезінде іске қосылып, халыққа алдын ала ескерту жасалды.
Фото: zakon.kz
