Оқиға 2 қыркүйекте мемлекеттік қор жерлерінде құрғақ шөптің жануынан басталған. ТЖД мәліметінше, өртті сөндіру жұмыстары тік жартастардың (еңістігі 60–80 градусқа дейін) және екпінді желдің (15–20 м/с) салдарынан күрделене түскен.
«Алматы облысы мен Алматы қаласының құтқарушылары, сондай-ақ жергілікті атқарушы органдардың үйлесімді іс-қимылының арқасында өрт дер кезінде оқшауланып, толығымен жойылды», – делінген ведомство хабарламасында.
Абырой болғанда, оқиға салдарынан зардап шеккендер мен қаза тапқандар жоқ. Бұған дейін де Алматы облысының таулы аймақтарында ірі өрттердің алдын алу және сөндіру шаралары жүргізілген болатын.
