Құлан – жойылу қаупі төнген аң. Ол Қазақстанның Қызыл кітабына (II санат), Халықаралық табиғатты қорғау одағының (IUCN) Қызыл тізіміне және CITES конвенциясының II қосымшасына енгізілген.
Мамандардың айтуынша, құландар негізінен шөлді және шөлейтті аймақтарда тіршілік етеді. Олар ерекше төзімділігімен және жылдам қимылымен ерекшеленеді. Әдетте бұл жануарлар өзендер мен көлдердің жағасына, құдықтар маңына шоғырланады. Өйткені олардың тіршілігі су көздеріне тікелей байланысты.
Іле-Балқаш қорығында осындай сирек жануарлардың кездесуі табиғатты қорғау шараларының нәтижелі жүргізіліп жатқанын көрсетеді.
