Жабайы аңды тұрғындар түсіріп алған. Instagram-да жарияланған видео аз уақыт ішінде ондаған мың қаралым жинады. Кадрдан аюдың қала ішінде еркін жүргенін, өтіп бара жатқан адамдарға назар аудармағанын көруге болады. Желі қолданушылары қалжыңдап, «қоңыр аюдың әкімдікке сұрақтары бар сияқты, сондықтан өзі келген болуы керек» деген пікір қалдырған.
Серебрянск әкімдігі аюдың ғимарат алдында жүргенін растады. Оқиға орнына жедел әрекет ету тобы жіберіліп, мамандар жануарды іздеуге кіріскен. Кейін әкімдік ресми мәлімдеме жасап, жағдайдың бақылауда екенін хабарлады. Ақпарат ведомствоның Instagram-дағы ресми парақшасында жарияланды.
