Бұған дейін әлеуметтік желілерде жол бойында тұрған жолбарыстың видеосы тараған болатын. Оны бірі Жетісу облысында десе, бірі Теміртау қаласында деп қоғамның қызу талқысына түсті.
Аталған бейнероликтегі қауіпті жыртқыш тұрғындар арасында резонанс туғызып, үрей ұялатты.
Ақпарат жалған болып шықты. Шын мәнінде, видео Ресейде түсірілді. Кадрлар алғашында жыртқыш Бурятияда байқалды деп тарала бастаған. Негізінен, жыртқыш Кижинги ауданындағы трассаның бойында, Забайкалье өлкесінің Хилок ауданына жақын жерде еркін жүрген кезде түсірілген.
Осы бойынша, Ішкі Істер министрлігінің хабарлауынша, полицейлер қоғамдық тәртіпті бұзып, жалған ақпарат таратқан әйелді әкімшілік жауапкершілікке тартты. Оған 73 840 теңге айыппұл салынды.
