Алматы өңірлік көпсалалы клиникасында мастер-класс өтті, онда модификацияланған радикалды мастэктомия бойынша Түркиядан келген профессор, дәрігер онкомаммологпен бірлескен ота жасалды, деп хабарлайды alataunews.kz.
Мастер-класс «Medikalpoint»клиникасы меморандумына сәйкес өткізілді.
Операция жасаған хирург Шюкру Бойлу — жоғары білікті маман. Оның сүт безінің эндокриндік және онкологиялық хирургиясындағы тәжірибесі 30 жылдан асады. Дәрігердің мамандануы осы саладағы операциялардың кең спектрін қамтиды. Соның ішінде сүт безі қатерлі ісігінде жасалған мастэктомиядан кейін сүт безін қалпына келтіру. Шукру Бойлу жаңа хирургиялық әдістерді әзірлеуге және оқытуға белсенді қатысады, хирургия саласында 3 патенті бар және көптеген басылымдардың авторы.
Түркия мамандары емдеудің ең жақсы нұсқасын талқылау кезінде дәрігердің пікірін тыңдап, нәтижеге жету үшін онымен бірге жұмыс істеу керек екенін атап өтті. Алматы өңірлік көпсалалы клиникасының онкомаммолог-дәрігері, Phd докторы Айдаров Дәулет Есқожаұлының айтуынша, мастер-класстың мақсаты, әрине, Қазақстанның, Алматы облысының операциялық онкомаммологтарының кәсіби шеберлік деңгейін арттыру.
«Біз мастер-класс кезінде болашақта өз тәжірибемізде пайдалана алатын жан — жақты білім мен дағдыларды алдық», — деп қорытындылады Дәулет Есқожаұлы.
Айта кетейік, клиника мамандары Қытайда, Түркияда, Ресейде және әлемнің басқа елдерінде өз дағдылары мен білімдерін үнемі арттырып отырады.
