Департамент басшысының орынбасары — Әдеп жөніндегі уәкіл Копдикбаев Болат ҚР Бәсекелестікті қорғау және дамыту агенттігінің Алматы облысы бойынша департаментінің мемлекеттік қызметкерлеріне “Мемлекеттік қызметшілердің әдебі” тақырыбында семинар өткізді, деп хабарлайды alataunews.kz.
Семинардың мақсаты — мемлекеттік қызметшілер арасында кәсіби әдептілік қағидаттарын нығайту және қызметтік міндеттерді орындау кезінде әдеп нормаларын сақтау маңыздылығын түсіндіру.
Сонымен қатар, Копдикбаев Болат мемлкеттік қызметшілердің құмар ойындарға тәуелділігінің алдын алу қажеттілігіне назар аударып, ҚР мемлекеттік қызметін дамытудың 2024-2029 жылдарға арналған тұжырымдамасының басты бағыттарын таныстыру арқылы мемлекеттік қызметтің сапасын арттыру және қоғамға деген сенімді нығайтуға ықпал ету туралы айтып кетті.
Жалпы, семинар мемлекеттік қызмет сапасын арттыруға және қоғамның мемлекеттік қызметке деген сенімін нығайтуға бағытталды.
